Bakı, 6–8 dekabr
6–8 dekabr tarixdə, Azərbaycan Tekstil Assosiasiyası (ATA) Türkiyə Tekstil İxracatçıları Assosiasiyasının (TTEA) sədri və İTMF-in Vitse prezidenti Mustafa Denizerin rəhbərliyi ilə Türkiyənin aparıcı tekstil şirkətlərini təmsil edən yüksək səviyyəli biznes nümayəndə heyətini Bakıda qəbul edib. Nümayəndə heyəti iplik, parça, toxuculuq və hazır tekstil məmulatları üzrə ixtisaslaşmış şirkətləri təmsil edib. İştirakçı şirkətlərin ümumi illik dövriyyəsi 600 milyon ABŞ dollarından artıqdır və əsas ixrac bazarları Avropa və ABŞ-dır. Səfər çərçivəsində təchizat zənciri üzrə əməkdaşlıq, birgə istehsal, investisiya və birgə müəssisə (JV) imkanları müzakirə olunub. Nümayəndə heyəti dövlət qurumları və aparıcı yerli tekstil şirkətləri ilə görüşlər keçirib. Səfər Azərbaycan–Türkiyə tekstil əməkdaşlığının gücləndirilməsinə və yeni sənaye tərəfdaşlıqlarının qurulmasına xidmət edir.
